Ornitologisk Fraksjon

Lundefugl. Frå LTs tur til fugleøya Runde våren 2006. Foto: Rine G. Carlsen

Ornitologisk Fraksjon (OF) er rett og slett den laust samansette gruppa: ”alle LT-damer med interesse for fuglekikking”. Det at vi er fleire fugleinteresserte i LT har sett sitt preg på turar og valg av turtema:

• Lesbisk Turlag har arrangert fleire turar med orrfuglleik (alle år frå 2004) samt fuglekikketurar til Sør-Sverige (2004),øya Runde (2006), Fokstumyra (2007), Jomfruland (2008) og nå sist den greske øya Lesbos (2009)
• På ”vanlege” LT-turar har vi ofte med kikkert og kan kommentere fuglar som dukkar opp i løpet av turen

I tillegg reiser nokre av oss på fugletitteturar utanom LT. Vi har bla. vore på vintertur til Fornebu, ugletur i Sørkedalen og fiskeørntur i Nordmarka. Innimellom er vi også med på turar arrangert av Norsk Ornitologisk Forening (NOF). Vi er opne for turforslag, og vil gjerne arrangere nokre turar i løpet av året.

Har du lyst til å vera med oss på fuglekikketur? Du treng ikkje vera ekspert eller ha mykje dyrt utstyr. Det viktigaste er interessa for fugl, ein grei kikkert og ei fornuftig fuglebok.

Ta kontakt!.